د ثور کودتا او د هغې ژورې پایلې

دا اثر د ثور له کودتا وروسته د خلقي دورې په سیاسي تاریخ رڼا اچوي. په دې اثر کې د ثور د کودتا بهیر او همدارنګه له کودتا نه مخکې، د هېواد عمومي او په ځانګړي ډول امنیتي وضعه چې د ګوند د مهم غړي میراکبر خیبر په وژلو او د نورو ګوندونو د ځینو مشرانو په بندي کولو تاوجنه شوې وه، بیان شوې ده. تاسو دا هم لولی چې ایا دا یوه کودتا وه او که د ګوندیانو په وینا انقلاب؟ د دې اثر د لوستلو اهمیت په دې کې دی چې موږ د افغانستان د څو لسیزو جګړو او غمیزو د رامنځته کېدو په لاملونو خبروي. ټولنې هغه وخت له ارامه ژوند او پرمختګ څخه برخمنې کیږي چې افراد يې پوه، ډینامیک او له خپل تېر تاریخ باخبره وي؛ نو بناً اړینه ده چې خپل تېر تاریخ دقیق مطالعه کړو او د حالاتو په بدلون کې خپل رول سم ولوبوو.