تاریخ څه ته وایي؟

د فلسفي فکر لپاره لومړی شرط په بیلابیلو نظریاتو پوهېدل دي او همدارنګه د افکارو او نظریاتو د اختلاف او تصادم په پایله کې نوي فکرونه رامنځته کیږي. تاریخ څه ته وايي؟ په حقیقت کې د همدغه حال نتیجه ده. په ورستیو څو لسیزو کې په اروپا کې په عام او انګلیستان کې په خاص ډول د تاریخ د ماهیت او فلسفې په باب تاوده بحثونه جاري وو چې دا اثر د همدې بحثونو په لړ کې یو ورستی کتاب دی. په دې اثر کې د تاریخ په هکله د نورو پوهانو د نظریاتو د چاڼ ترڅنګ یو شمیر نور نظریات اضافه شوي چې په همدې ډول په دې برخه کې پرمختګ شوی دی.