افغانان د شپږشپېتم کال په پسرلي کې له روسانو سره د جنګ په حال کې

دا اثر پوهاند کاکړ هغه وخت لیکلی کله چې په ۱۳۶۵ کال کې له پنځه کال بند وروسته ازاد شو. په ۱۳۶۶ پسرلي کې یې ددې اثر په لیکلو پیل وکړ. په دې رساله کې پوهاند کاکړ هغه بدلونونه لیکلي کوم چې د نوموړي د پنځه کلن بند په موده کې رامنځته شوي وو او همدارنګه یې هغه مالومات ټول کړي کوم چې یې له خپلو ملګرو څخه د موجودې سیاسي اوضاع په اړه تر لاسه کړي وو. دغه رساله د یو کتاب په شان داسې منسجمه نه ده چې په یو غټ مرکزي ټکي دې وڅرخي؛ خو کوښښ شوی چې په دغو څه باندې دریو میاشتو کې د وطن د عمومي حالاتو یو لنډ تصویر د یوې رساله په بڼه وړاندې کړي. دا رساله په داسې حال کې لیکل شوې چې لیکوال هر څه پخپلو سترګو لیدل.